Сите ние, иако со наполно различен отпечаток на показалецот, со различни патишта, навики, потреби и сништа, несомнено се совпаѓаме во едно – дел сме од човечкиот род, ние сме луѓе. Меѓу историјата и иднината, ние сме оние кои се сега и тука, кои можат да влијаат на денешницата, свесно, совесно, човечно.
Вработените во T-Mobile на иницијатива на Фонадацијата T-Мобиле за Македонија ја помогнаа хуманитарната акција "Недела на солидарнoста", која во организација на Црвениот крст на Македонија се одржа од 1-7 јуни 2008 годинава.
На 10 јули 2008 во Радовиш се одржа хуманитарна кампања "Домување на лицата со хендикеп - 364 дена + 3 декември 2007/2008" за заеднички општествен придонес во процесот на деинституционализација, подигање на свеста на нашата заедница за потребите на лицата со хендикеп, се со цел да се оспособат за самостојно живеење.
